A Confederación Española de Zentros de Formación y Academias Pribatas (CECAP) ye ra Organización interpresarial representatiba en España de o Seutor de l'Amostranza no Reglata. Os zentros d'amostranza asoziatos a CECAP se troban arroclatos a trabiés de as suyas Organizazions miembro, con implantazión en todas as Comunidaz Autonomas. En CECAP son asoziatas toda mena d'interpresas que imparten Amostranza y Formazión No Reglata (Idiomas, Oposizions, Escuelas de Negozio, Amostranza á Distancia, Formazión Ocupazional y Contina, Seguridá Pribata, Recuperazions, Refirme u Paranza ta o Azeso a l'Amostranza Reglata, entre atras). Entre as prenzipals faínas suyas fegura la de potenziar y coordinar l'autibidá de os suyos miembros ta la millor esfensa de os suyos intreses, asinas como beilar por a calidá de a ufierta formatiba de os zentros de formazión de o país.

Representatibidá
A suya espansión nazionals y o lumero d'interpresas asoziatas li atorgan a fuerza que ye menister ta empentar proyeutos en o benefizio de o coleutibo y luitar por a resolución de problemas comuns, CECAP ye ra organización más representatiba de o seutor y asinas ye reconoxita por os interlocutors sozials. Entre as competenzias suyas se i troba la de negociar combenios coleutibos con os sindicatos y alcuerdos con organizazions patronals y estituzionals.

Oríxens de CECAP
Os oríxens de CECAP se remontan a l'año 1988, cuan numerosos Zentros d'Amostranza no Reglata, perteneziens a dibersas probinzias españolas, sintioron a nesezidá d'achuntar-se ta esfender os suyos intreses. Asinas surte l'Asoziazión Española d'Academias que, posteriormén, se tresformará en Federazión (FEAP) y que, debito a o suyo crecimiento contino, a la dibersificazión de as amostranzas recullitas en o seno suyo, y a o enfortimiento de os suyos tarabidatos territorials, en 1995 se costituyó como Confederazión Española de Zentros y Academias Pribatas (CECAP). En l' autualidá, y baxo a denominación de Confederazión Española de Zentros de Formazión y Academias Pribatas, ista Organizazión se presenta como a lexitima representán de a Formazión No Reglata, formando parti como tal de CEOE y CEPYME.

A Confederazión se troba composata por 18 Organizazions miembro de caráuter autonomico u seutorial ubicatas a o largo de tot lo territorio nazional.

Cada Federazión y cada Asoziazión integrata promueben, de bez suya, autibidaz con l'oxetibo de a otima representazión, esfensa y protezión de os intreses sozials, economicos y profesionals de os zentros de formación asoziatos.

A iste respeuto CECAP potenzia o esprito de cooperazión y solidaridá entre os miembros suyos y promuebe autibidaz ta o desembolique cultural y profesional de o coleutibo encuairato a trabiés de a reyalizazión de seminarios, publicazions, conferenzias, mayas,.